இமானுவேல் சேகரன் பிறந்தநாள் விழா

சங்கரன்கோவில்:

சங்கரன்கோவில் அருகே உள்ள புளியம்பட்டியில் சங்கரன்கோவில் தெற்கு ஒன்றிய அ.தி.மு.க. சார்பில் தியாகி இமானுவேல் சேகரன் பிறந்தநாள் விழா நடைபெற்றது. விழாவிற்கு ஒன்றிய செயலாளர் ரமேஷ் தலைமை தாங்கினார். சங்கரன்கோவில் நகர செயலாளர் ஆறுமுகம், ஒன்றிய செயலாளர்கள் சுப்பையா பாண்டியன், வேல்முருகன், செல்வராஜ் ஆகியோர் முன்னிலை வைத்தனர். டாக்டர் திலீபன் வரவேற்றார்.

விழாவில் முன்னாள் அமைச்சர் வி.எம்.ராஜலட்சுமி, மாவட்ட துணைச் செயலாளர் பொய்கை மாரியப்பன் ஆகியோர் சிறப்பு விருந்தினராக கலந்துகொண்டு தியாகி இமானுவேல் சேகரன் திருவுருவப்படத்திற்கு மாலை அணிவித்து மரியாதை செலுத்தினர். இதனைத் தொடர்ந்து பொதுமக்களுக்கு அன்னதானம் வழங்கும் நிகழ்ச்சியும் நடைபெற்றது.

விழாவில் மாவட்ட துணைச் செயலாளர் சண்முகப்பிரியா, மாவட்ட எம்.ஜி.ஆர். மன்ற துணைத் தலைவர் கருப்பசாமி, மாவட்ட இளைஞர் மற்றும் இளம் பெண்கள் பாசறை துணை செயலாளர் மாரிச்சாமி, பொதுக்குழு உறுப்பினர் காளிச்சாமி, தலைமை கழக பேச்சாளர்கள் லட்சுமணன், ராமசுப்பிரமணியன், கணபதி, ஒன்றிய அவைத் தலைவர் காளியப்பன், நகர பேரவை செயலாளர் சவுந்தர் என்ற சாகுல் ஹமீது, நகர்மன்ற உறுப்பினர்கள் ராமர், அ.தி.மு.க. நிர்வாகிகள் சந்திரன், ஐயப்பன், கோவிந்தன், சுப்பிரமணியன், கந்தன், கணேசன், மாரியப்பன் உள்பட பலர் கலந்து கொண்டனர்.