மோட்டார் சைக்கிளில் சென்ற கொத்தனார் தவறி விழுந்து சாவு

குன்னம்:

பெரம்பலூர் மாவட்டம், குன்னம் அருகே உள்ள கொளத்தூர் கிராமத்தை சேர்ந்தவர் சுப்பிரமணி(வயது 60). கொத்தனார். இவர் கடந்த 2 நாட்களுக்கு முன்பு மோட்டார் சைக்கிளில் கொளத்தூரில் இருந்து திம்மூருக்கு வேலைக்குச் சென்றபோது, சாலையில் நிலை தடுமாறி கீழே விழுந்து பலத்த காயமடைந்தார்.இது குறித்து தகவல் அறிந்த உறவினர்கள் அவரை மீட்டு கொளக்காத்தம் அரசு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர்கள், அவர் இறந்து விட்டதாக தெரிவித்தனர். இது குறித்த புகாரின்பேரில் மருவத்தூர் போலீசார் வழக்குப்பதிவு செய்து விசாரணை நடத்தி வருகின்றனர்.