திராவிடர் கழகம் ஆர்ப்பாட்டம்

பாவூர்சத்திரம்:

பாவூர்சத்திரத்தில் திராவிடர் மாணவர் கழகம், இளைஞரணி சார்பில் நீட் தேர்வை எதிர்த்து கண்டன ஆர்ப்பாட்டம் நேற்று நடைபெற்றது. மாநில இளைஞரணி துணைத்தலைவர் சவுந்தரபாண்டியன் தலைமை தாங்கினார். மாவட்ட தலைவர் வீரன், செயலாளர் முருகன், மாநில பகுத்தறிவு கழக துணைத்தலைவர் குருசாமி, பொதுக்குழு உறுப்பினர்கள் ராமச்சந்திரன், பொன்ராஜ், மாவட்ட துணைத்தலைவர் செந்தில்குமார், துணை செயலாளர் அன்பழகன் ஆகியோர் முன்னிலை வகித்தனர்.

திராவிடர் கழக காப்பாளர் டேவிட் செல்லத்துரை, மருத்துவர் அன்பரசன், மாவட்ட பகுத்தறிவு கழக செயலாளர் ஆலடி எழில்வாணன் ஆகியோர் கண்டன உரையாற்றினர். கீழப்பாவூர் முன்னாள் பேரூராட்சி தலைவர் பொன்.அறிவழகன், ஒன்றிய கவுன்சிலர் ஜான்சிஜெபமலர், நிர்வாகிகள் ராமசாமி, சிவபிரகாசம், தங்கராஜ், உள்ளிட்ட பலர் கலந்து கொண்டனர்.