மரத்தில் மொபட் மோதி டாக்டர் மனைவி பலி

சுரண்டை:

தென்காசி மாவட்டம் சுரண்டை அருகே உள்ள வீரசிகாமணியை சேர்ந்தவர் விஷ்ணு பிரசாத். டாக்டர். இவருடைய மனைவி கவுசல்யா (வயது 25). முதுநிலை பட்டதாரி. இவர்களுக்கு திருமணம் ஆகி 2 ஆண்டுகள் ஆகிறது. நேற்று காலை கவுசல்யா தனது மொபட்டில் வீரசிகாமணியில் இருந்து சுரண்டைக்கு சென்று கொண்டிருந்தார். பாண்டியாபுரம் விலக்கு அருகில் சென்றபோது, மொபட் எதிர்பாராதவிதமாக கட்டுப்பாட்டை இழந்து சாலையோரம் உள்ள மரத்தில் மோதியது. இதில் தூக்கி வீசப்பட்டு தலையில் பலத்த காயமடைந்த கவுசல்யா சம்பவ இடத்திலேயே பரிதாபமாக இறந்தார்.

இதுகுறித்து தகவல் அறிந்ததும் சேர்ந்தமரம் போலீசார் அங்கு விரைந்து சென்று அவரது உடலை கைப்பற்றி பிரேத பரிசோதனைக்காக தென்காசி அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர். சுரண்ைட அருகே மரத்தில் மொபட் மோதிய விபத்தில் டாக்டர் மனைவி பலியான சம்பவம் அந்த பகுதியில் சோகத்தை ஏற்படுத்தியது.