தி.மு.க. நிர்வாகிகள் கூட்டம்

கடையநல்லூர்:

தென்காசி வடக்கு மாவட்ட தி.மு.க. நிர்வாகிகள் கூட்டம், புளியங்குடி நகர செயலாளர் அந்தோணிசாமி தலைமையில் கடையநல்லூரில் நடந்தது.கடையநல்லூர் நகர செயலாளர் அப்பாஸ், ஒன்றிய செயலாளர்கள் சுரேஷ், பூசை பாண்டி மற்றும் பேரூர் செயலாளர்கள் உள்ளிட்ட நிர்வாகிகள் கலந்து கொண்டனர்.

கூட்டத்தில் தி.மு.க. உள்கட்சி தேர்தலையொட்டி தென்காசி வடக்கு மாவட்ட செயலாளர் பதவிக்கு போட்டியிடும் தற்போதைய வடக்கு மாவட்ட பொறுப்பாளர் செல்லத்துரைக்கு மீண்டும் பதவி வழங்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. இதுதொடர்பாக தி.மு.க. தலைவர் மு.க.ஸ்டாலினை நேரில் சந்தித்து வலியுறுத்துவதற்காக நிர்வாகிகள் வேனில் புறப்பட்டு சென்றனர்.