தினத்தந்தி புகார் பெட்டி: மக்கள் குறைகள் தொடர்பான பதிவுகள்

விபத்து அபாயம்

விருதுநகர் மாவட்டம் காரியாபட்டி தாலுகா நாகம்பட்டியில் உள்ள மேல்நிலை நீர்த்தேக்க தொட்டி சேதமடைந்து கீழே விழும் நிலையில் உள்ளது. இதனால் இந்த பகுதியில் உள்ள மக்களுக்கு விபத்து ஏற்படும் அபாயம் உள்ளது. எனவே பெரும் அசாம்பாவிதம் ஏதும் நிகழும் முன்னர் சேதமடைந்த நீர்த்தேக்க தெட்டியை விரைவாக சீரமைக்க வேண்டும்.

பொதுமக்கள், நாகம்பட்டி.

பொதுமக்கள் அவதி

விருதுநகர் மாவட்டம் சிவகாசி ரெயில் நிலையம் அருகே உள்ள செங்கமலநாச்சியார்புரம் சாலையை சீரமைக்க கடந்த சில நாட்களுக்கு முன்பு முதற்கட்ட பணி தொடங்கியது. தற்போது வரை அந்த சாலை சீரமைக்கப்படாமல் இருப்பதால் அந்த பகுதியை கடந்து செல்லும் பொதுமக்கள் அவதிப்படுகின்றனர். எனவே சம்பந்தப்பட்ட அதிகாரிகள் அந்த சாலையை சீரமைக்கும் பணியினை உடனே தொடங்கி முடிக்க வேண்டும்.

தனலட்சுமி, சிவகாசி.

கூடுதல் தெருவிளக்குகள் வேண்டும்

விருதுநகர் மாவட்டம் சிவகாசியில் இருந்து வெம்பக்கோட்டை செல்லும் சாலையில் போதிய தெருவிளக்குகள் இல்லை. இதனால் சாலை முழுவதும் இருள் சூழ்ந்து காணப்படுகிறது. இதனால் வாகன ஓட்டிகள் இரவு நேரங்களில் பயணிக்க அவதிப்பட்டு வருகின்றனர். எனவே இந்த சாலையில் கூடுதல் தெருவிளக்குகள் பொருத்த சம்பந்தப்பட்ட அதிகாரிகள் நடவடிக்கை எடுக்க வேண்டும்.

கணேசன், வெம்பக்கோட்டை.

நடவடிக்கை தேவை

விருதுநகர் மாவட்டம் ஸ்ரீவில்லிபுத்தூர் பஸ் நிலையத்தில் உள்ள நடைமேடை தளம் பெயர்ந்து சேதமடைந்துள்ளது. இதனால் பஸ் நிலையத்திற்கு வரும் பயணிகள் நடக்க மிகவும் சிரமப்படுகின்றனர். எனவே நடைமேடையை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

பிரணவம், ஸ்ரீவில்லிபுத்தூர்.

சேதமடைந்த கட்டிடம்

விருதுநகர் அருகே உள்ள தாதம்பட்டி ரேஷன்கடை கட்டிடம் முற்றிலும் சேதமடைந்துள்ளது. இதனால் ரேஷன் கடைக்கு வரும் பொதுமக்கள் அவதிப்படுகின்றனர். எனவே இந்த பகுதியில் புதிய ரேஷன்கடை கட்டித்தர சம்பந்தப்பட்ட அதிகாரிகள் நடவடிக்கை எடுக்க வேண்டும்.

கண்ணன், விருதுநகர்.