விபத்தில் தொழிலாளி சாவு

பர்கூர்

திருப்பத்தூர் மாவட்டம் மேட்டுப்பாளையத்தை சேர்ந்தவர் குமார் (வயது 38). கூலித்தொழிலாளி. இவரது நண்பர் பிரபு (32). இவர்கள் 2 பேரும் கடந்த, 14-ந் தேதி மோட்டார்சைக்கிளில் பர்கூர் அருகே வந்தனர். பின்னர் அவர்கள் இரவு காரக்குப்பம் பாலம் அருகே சென்றனர். அப்போது, கட்டுப்பாட்டை இழந்த மோட்டார் சைக்கிள் கவிழ்ந்து விபத்துக்குள்ளானது. இதில், குமார் சம்பவ இடத்திலேயே பரிதாபமாக இறந்தார். பிரபு படுகாயம் அடைந்தார். அக்கம் பக்கத்தினர் அவரை மீட்டு ஆஸ்பத்திரியில் சேர்த்தனர். அங்கு அவருக்கு சிகிச்சை அளிக்கப்பட்டு வருகிறது. இந்த விபத்து குறித்து கந்திக்குப்பம் போலீசார் வழக்குப்பதிவு செய்து விசாரணை நடத்தி வருகிறார்கள்.