அரூர் அருகே பள்ளி மாணவன் மர்ம சாவு போலீசார் விசாரணை

அரூர்:

தர்மபுரி மாவட்டம் அரூர் அருகே உள்ள கரிப்பிளிப்பட்டியை சேர்ந்தவர் அன்பரசன். இவரது மகன் இன்பராஜ் (வயது 10). இவன் அந்த பகுதியில் உள்ள தனியார் பள்ளியில் 5-ம் வகுப்பு படித்து வந்தான். இதனிடையே பள்ளிக்கு சென்ற மாணவனுக்கு திடீரென உடல் நலம் பாதிக்கப்பட்டது. இதனால் ஆசிரியர்கள் மாணவனை தர்மபுரி அரசு ஆஸ்பத்திரிக்கு கொண்டு சென்றனர். அங்கு மாணவன் திடீரென இறந்தான். இதுகுறித்து தகவல் அறிந்து சென்ற மாணவனின் பெற்றோர், உறவினர்கள் பள்ளியை முற்றுகையிட்டு போராட்டத்தில் ஈடுபட்டனர். இதுகுறித்து தகவல் அறிந்ததும் அரூர் போலீசார் விரைந்து சென்று பேச்சுவார்த்தை நடத்தினர். இதையடுத்து அவர்கள் போராட்டத்தை கைவிட்டு கலைந்து சென்றனர். மாணவன் மர்மமாக இறந்தது தொடர்பாக அரூர் போலீசார் வழக்குப்பதிவு செய்து விசாரணை செய்து வருகின்றனர்.