களக்காடு:
களக்காடு பகுதியில் கோடை வெயில் கொளுத்தி வருகிறது. களக்காடு வனப்பகுதியிலும் வெயில் சுட்டெரிக்கிறது. இதனால் தலையணையில் தண்ணீர் வரத்து மிகவும் குறைந்து காணப்படுகிறது. இதற்கிடையே தலையணையில் இன்று (புதன்கிழமை) மின்பராமரிப்பு பணிகள் நடைபெறுகிறது. இதையொட்டி களக்காடு புலிகள் காப்பக துணை இயக்குனர் ரமேஷ்வரன் உத்தரவின்படி இன்று ஒரு நாள் மட்டும் தலையணை மூடப்படுவதாக வனச்சரகர் பிரபாகரன் அறிவித்துள்ளார். சுற்றுலா பயணிகள் செல்லவும் தடை விதிக்கப்பட்டு உள்ளது. நாளை (வியாழக்கிழமை) முதல் சுற்றுலா பயணிகள் செல்ல அனுமதி வழங்கப்படும் என்றும் தெரிவிக்கப்பட்டு உள்ளது.