இந்திய கம்யூனிஸ்டு கட்சி ஆர்ப்பாட்டம்

சிவகிரி:

சிவகிரி அருகே ராமநாதபுரம் பஸ் நிறுத்தம் அருகில் இந்திய கம்யூனிஸ்டு கட்சி சார்பில் ஆர்ப்பாட்டம் நடந்தது. ராமநாதபுரம் கிளைச் செயலாளர் ஜெயகணேசன் தலைமை தாங்கினார். வாசுதேவநல்லூர் ஒன்றிய குழு உறுப்பினர் ரவிக்குமார், வார்டு செயலாளர் ஜெயகணேசன், சரவணா புரம் கிளைச் செயலாளர் பாலசுப்பிரமணியன் ஆகியோர் முன்னிலை வகித்தனர். ராமநாதபுரம் பகுதியில் சாலை, குடிநீர் வசதிகள் செய்து கொடுக்க வேண்டும். பெண்களுக்கான கழிப்பறையை சீர்செய்ய வேண்டும். எரியாத தெரு விளக்குகளை சரிசெய்ய வேண்டும் உள்ளிட்ட கோரிக்கைகளை வலியுறுத்தி இந்த ஆர்ப்பாட்டம் நடந்தது. இதில் கட்சியின் மாவட்ட செயலாளர் இசக்கித்துரை, ஏ.ஐ.டி. யு.சி. மாவட்ட பொது செயலாளர் சுப்பையா, வாசுதேவநல்லூர் ஒன்றிய செயலாளர் வேலு, துணைச் செயலாளர் பால விநாயகர் உள்பட பலர் கலந்து கொண்டனர்.