ரூ.1 லட்சத்து 88 ஆயிரத்துக்கு தேங்காய் ஏலம்

பரமத்திவேலூர்

பரமத்திவேலூர் ஒழுங்கு முறை விற்பனைக் கூடத்தில் நேற்று தேங்காய் ஏலம் நடைபெற்றது. கடந்த வாரம் செவ்வாய்க்கிழமை நடைபெற்ற ஏலத்திற்கு 3 ஆயிரத்து 235 கிலோ தேங்காயை விவசாயிகள் கொண்டு வந்திருந்தனர். இதில் அதிகபட்சமாக கிலோ ஒன்று ரூ.25.50-க்கும், குறைந்தபட்சமாக ரூ.18-க்கும், சராசரியாக ரூ.20-க்கும் ஏலம் நடைபெற்றது. மொத்தம் ரூ.72 ஆயிரத்து 950-க்கு ஏலம் நடைபெற்றது. இதையொட்டி நேற்று நடைபெற்ற ஏலத்திற்கு 7 ஆயிரத்து 912 கிலோ தேங்காயை விவசாயிகள் கொண்டு வந்தனர். இதில் அதிகபட்சமாக தேங்காய் கிலோ ஒன்று ரூ.24.82-க்கும், குறைந்தபட்சமாக ரூ.20-க்கும், சராசரியாக ரூ.23.50-க்கும் ஏலம் நடைபெற்றது. மொத்தம் ரூ.1 லட்சத்து 88 ஆயிரத்து 552-க்கு ஏலம் நடைபெற்றது.