சின்னமனூரில்மது பாட்டில்களை கடத்தியவர் சிக்கினார்

சின்னமனூரில், சீப்பாலக்கோட்டை சாலையில் சப்-இன்ஸ்பெக்டர் மாயன் தலைமையில் போலீசார் வாகன தணிக்கையில் ஈடுபட்டனர். அப்போது அந்த வழியாக மோட்டார்சைக்கிளில் வந்தவரை சந்தேகத்தின்பேரில் போலீசார் மறித்தனர். இதையடுத்து மோட்டார்சைக்கிளில் இருந்த பையை சோதனை செய்ய போது அதில் 100 மது பாட்டில்கள் இருந்தது. பின்னா் போலீசார் விசாரணை நடத்தியதில் அவர், ஹைவேவிஸ் பகுதியை சேர்ந்த விஸ்வநாதன் (வயது 38) என்பதும், வீட்டில் வைத்து விற்பனை செய்வதற்காக மது பாட்டில்களை மொத்தமாக வாங்கி கடத்தி வந்ததும் தெரியவந்தது. இதுகுறித்து சின்னமனூர் போலீசார் வழக்குப்பதிவு செய்து அவரை கைது செய்தனர். மேலும் மது பாட்டில்கள், மோட்டார்சைக்கிள் பறிமுதல் செய்யப்பட்டது.