விருதுநகர் அருகே செல்போன் திருட்டு

விருதுநகர் சாஸ்திரி நகரில் வசிப்பவர் சாமிநாதன் (வயது 31). இவர் ராமநாதபுரம் அரசு மருத்துவக்கல்லூரியில் உதவியாளராக பணியாற்றி வருகிறார். இவர் சைக்கிளில் குட்செட் ரோட்டில் சென்று கொண்டிருந்தார். அப்போது தடுமாறி கீழே விழுந்தார். பின்னால் இருசக்கர வாகனத்தில் வந்தவர்கள் இவரை தூக்கி விட்டனர். அவர்கள் சென்ற பிறகு இவர் பார்த்த போது இவர் சட்டப்பையில் இருந்து கீழே விழுந்த செல்போனை காணவில்லை. இதுகுறித்து சாமிநாதன் அளித்த புகாரின் பேரில் விருதுநகர் கிழக்கு போலீசார் வழக்குப்பதிவு செய்து விசாரணை மேற்கொண்டுள்ளனர்.