நிலத்தகராறில் மோதல்; 5 பேர் மீது வழக்கு

பர்கூர்:

பர்கூர் கந்திகுப்பம் அருகே மேடுகம்பள்ளியை சேர்ந்தவர் அனுமப்ப கவுண்டர் (வயது 66). அதே பகுதியை சேர்ந்தவர் முருகன் (40). விவசாயிகளான இவர்கள், உறவினர்கள். இவர்களுக்குள் நில பிரச்சினை இருந்து வந்தது. சம்பவத்தன்று ஏற்பட்ட பிரச்சினையில் இரு தரப்பினரும் தாக்கி கொண்டனர். இதுகுறித்து அனுமப்ப கவுண்டர் கொடுத்த புகாரின் பேரில், தன்னையும், தனது மனைவி முருகம்மாளையும் தாக்கி விட்டதாக கூறியுள்ளார். அதன்பேரில் போலீசார் முருகன் (40), வேலு (33) ஆகிய 2 பேர் மீது வழக்குப்பதிவு செய்துள்ளனர். அதே போல வேலு கொடுத்துள்ள மற்றொரு புகாரின் பேரில் அனுமப்ப கவுண்டர் (66), சிவகுமார் (45), முருகம்மாள் (55) ஆகிய 3 பேர் மீது போலீசார் வழக்குப்பதிவு செய்துள்ளனர்.