கல்லல், மதகுபட்டி பகுதியில் மாட்டு வண்டி பந்தயம்

காரைக்குடி, 

கல்லல் மற்றும் மதகுபட்டி பகுதியில் மாட்டு வண்டி பந்தயம் நடைபெற்றது.

மாட்டு வண்டி பந்தயம்

கல்லல் ஒன்றியம் பி.நெற்புகப்பட்டி கிராமத்தில் உள்ள செங்கோலுடைய அய்யனார்கோவில் சிவராத்திரி விழாவையொட்டி மாட்டு வண்டி பந்தயம் பி.நெற்புகப்பட்டி-கல்லல் சாலையில் நடைபெற்றது. இதில் 45 வண்டிகள் கலந்துகொண்டு பெரியமாட்டு வண்டி பந்தயம், சின்னமாட்டு வண்டி பந்தயம் என இருபிரிவாக நடைபெற்றது. முதலில் நடைபெற்ற பெரியமாட்டு வண்டி பந்தயத்தில் 15 வண்டிகள் கலந்து கொண்டு முதல் பரிசை வெற்றியூர் சிங்கத்துரை வண்டியும், 2-வது பரிசை மதகுபட்டி பிரத்திஸ்கா வண்டியும், 3-வது பரிசை திருவாதவூர் தன்வந்த்பிரசாத் வண்டியும் பெற்றது.

பின்னர் நடைபெற்ற சின்னமாட்டு வண்டி பந்தயத்தில் 30 வண்டிகள் கலந்துகொண்டு இருபிரிவாக நடைபெற்றது. முதல் பிரிவில் முதல் பரிசை பூலாங்கால் தொட்டிச்சியம்மன் வண்டியும், 2-வது பரிசை பி.நெற்புகப்பட்டி சாய்ஸ்ரீ, மதினாஸ்ரீ வண்டியும், 3-வது பரிசை வள்ளியூர் ஆனந்த் வண்டியும் பெற்றது. பின்னர் நடைபெற்ற 2-வது பிரிவில் முதல் பரிசை மேலூர் வண்டியும், 2-வது பரிசை பி.நெற்புகப்பட்டி ரிதன்யாசதீஷ்குமார் வண்டியும், 3-வது பரிசை துவரங்குளம் கரும்பு செல்வம் வண்டியும் பெற்றது.

மதகுபட்டி

இதேபோல் சிவகங்கையை அடுத்த மதகுபட்டி அருகே ராமலிங்கபுரத்தில் அழகிய மெய்ய அய்யனார் கோவில் பால்குடம் மற்றும் காவடி எடுப்பு விழாவையொட்டி மாட்டு வண்டி பந்தயம் ராமலிங்கபுரம்-சிவகங்கை சாலையில் நடைபெற்றது. இதில் மொத்தம் 33 வண்டிகள் கலந்துகொண்டு இருபிரிவாக நடைபெற்றது. முதலில் நடைபெற்ற பெரிய மாட்டுவண்டி பந்தயத்தில் 10 வண்டிகள் கலந்துகொண்டு முதல் பரிசை மாங்குளம் தெய்வேந்திரன் வண்டியும், 2-வது பரிசை கல்லுப்பட்டி குருந்தடியான் வண்டியும், 3-வது பரிசை வீழநேரி ஒன்றிய கவுன்சிலர் சரவணன் வண்டியும் பெற்றது. பின்னர் நடைபெற்ற சின்னமாட்டு வண்டி பந்தயத்தில் 23 வண்டிகள் கலந்துகொண்டு முதல் பரிசை இளங்கிப்பட்டி அர்ச்சுணன் வண்டியும், 2-வது பரிசை வீழநேரி சரவணன் வண்டியும், 3-வது பரிசை என்.டி.பட்டி பழனிச்சாமி வண்டியும் பெற்றது. வெற்றி பெற்ற வண்டிகளின் உரிமையாளர்களுக்கு பரிசுகள் வழங்கப்பட்டது.