மோட்டார் சைக்கிளை திருடிய சிறுவன் கைது

கரூர் சின்ன ஆண்டாங்கோவில் பெரியசாமி நகரை சேர்ந்தவர் பாலாஜி ராமசாமி (வயது 27). இவர் தனது வீட்டின் அருகே மோட்டார் சைக்கிளை நிறுத்தி வைத்துள்ளார். அதனை மர்மநபர்கள் திருடி சென்று விட்டனர். இதுகுறித்து பாலாஜி ராமசாமி கொடுத்த புகாரின்பேரில் கரூர் டவுன் போலீசார் வழக்குப்பதிந்து விசாரணை நடத்தினர். விசாரணையில் மோட்டார் சைக்கிளை திருடியது 17 வயது சிறுவன் என்பது தெரியவந்தது. இதையடுத்து சிறுவனை போலீசார் கைது செய்து, அந்த மோட்டார் சைக்கிளையும் பறிமுதல் செய்தனர்.