சிறுமிக்கு பாலியல் தொல்லை-போக்சோவில் வாலிபர் கைது

கூடலூர்

மசினகுடி பகுதியை சேர்ந்த 13 வயது சிறுமி கடந்த 9-ம் தேதி திடீரென மாயமானார். இது குறித்து கூடலூர் அனைத்து மகளிர் போலீஸ் நிலையத்தில் புகார் அளிக்கப்பட்டது. இதைத்தொடர்ந்து இன்ஸ்பெக்டர் சுசீலா தலைமையிலான மகளிர் போலீசார் விசாரணை நடத்தினர்.

அப்போது பைக்காரா அருகே 9-ம் மைல் பகுதியில் சிறுமி இருப்பது தெரிய வந்தது. இதைத்தொடர்ந்து அவளை மீட்டு கூடலூர் போலீஸ் நிலையத்திற்கு அழைத்து வந்தனர். தொடர்ந்து நடத்திய விசாரணையில் மசினகுடி அருகே வாழைத்தோட்டம் பகுதியை சேர்ந்த நந்தகுமார் (வயது 19) என்பவர் சிறுமிக்கு பாலியல் தொல்லை கொடுத்தது தெரிய வந்தது. இதைத் தொடர்ந்து போக்சோ சட்டத்தின் கீழ் வழக்கு பதிவு செய்து நந்தகுமாரை கைது செய்தனர்.