மதுகுடித்ததை தட்டிக் கேட்டதால் தாக்குதல்; 2 பேர் கைது

நெல்லை ரெட்டியார்பட்டி ஜே.ஜே நகரை சேர்ந்தவர் சுந்தரராஜன் (வயது 38). இவரது வீட்டின் அருகே தூத்துக்குடி மாவட்டத்தை சேர்ந்த பாலாஜி (26) மற்றும் துரைப்பாண்டி (24) ஆகிய இருவரும் சேர்ந்து மது அருந்திக் கொண்டிருந்தனர். இதைக்கண்ட சுந்தரராஜன் அவர்களை தட்டி கேட்டார். அப்போது 2 பேரும் சேர்ந்து சுந்தரராஜனை மிரட்டி தாக்கி உள்ளனர். இதுகுறித்து பெருமாள்புரம் போலீஸ் சப்-இன்ஸ்பெக்டர் பாட்ஷா வழக்குப்பதிவு செய்து பாலாஜி, துரைப்பாண்டி ஆகிய இருவரையும் கைது செய்தார்.