சாராயம் காய்ச்சியவர் கைது

நாமக்கல் மாவட்டம் கெடமலையில் கள்ளச்சாராயம் காய்ச்சி விற்பனை செய்வதாக மதுவிலக்கு போலீசாருக்கு ரகசிய தகவல் கிடைத்தது. இதையடுத்து நாமக்கல் மதுவிலக்கு போலீஸ் இன்ஸ்பெக்டர் அம்பிகா தலைமையில் போலீசார் நேற்று கெடமலையில் திடீர் சோதனையில் ஈடுபட்டனர். அப்போது அங்கு சாராயம் காய்ச்சி விற்பனை செய்வது கண்டறியப்பட்டது. இது தொடர்பாக கெடமலையை சேர்ந்த வெள்ளையன் (வயது 53) என்பவரை போலீசார் கைது செய்தனர். அவரிடம் இருந்து 10 லிட்டர் சாராயம் மற்றும் 300 லிட்டர் சாராய ஊறலை கைப்பற்றி அழித்தனர். மேலும் சாராயம் காய்ச்சுவதற்கு பயன்படுத்திய உபகரணங்களையும் அழித்தனர்.