சேலத்தில்ரேஷன் அரிசி கடத்திய வாலிபர் கைது

சேலம்

சேலம் மாவட்ட கலெக்டர் அலுவலகம் பின்புறம் செரிரோடு பார்க் தெருவில் ரேஷன் அரிசி கடத்துவதாக குடிமைப்பொருள் வழங்கல் குற்ற புலனாய்வுத்துறை போலீசாருக்கு ரகசிய தகவல் கிடைத்தது. அதன்பேரில், சப்-இன்ஸ்பெக்டர் வேல்முருகன் தலைமையில் போலீசார் நேற்று அந்த பகுதியில் ரோந்து பணியில் ஈடுபட்டனர். அப்போது, அங்கு மினி வேனில் 60 கிலோ ரேஷன் அரிசியை கடத்த முயன்றது தெரிந்தது. இதையடுத்து போலீசார் ரேஷன் அரிசி, மினிவேனை பறிமுதல் செய்தனர். மேலும், அரிசியை கடத்தியதாக ஓமலூரை சேர்ந்த மணிகண்டன் (வயது 25) என்பவர் கைது செய்யப்பட்டார். அவரிடம் போலீசார் விசாரணை நடத்தினர். இவர், மோகன், பாலு ஆகியோருடன் சேர்ந்து பொதுமக்களிடம் இருந்து ரேஷன் அரிசியை வாங்கி அதனை மாவாக அரைத்து செவ்வாய்பேட்டை பகுதியில் உள்ள வத்தல், பலகார கடைகளுக்கு விற்பனை செய்தது தெரியவந்தது. இதனையடுத்து தலைமறைவான உள்ள மோகன், பாலுவை பிடிக்க தனிப்படை அமைக்கப்பட்டுள்ளது.