திருப்பூர் பாளையக்காடு பகுதியை சேர்ந்தவர் தினேஷ்குமார் (வயது 30). டிரைவர். இவர் கடந்த 2018-ம் ஆண்டு நடந்த கொலை முயற்சி வழக்கில் திருப்பூர் வடக்கு போலீசாரால் கைது செய்யப்பட்டு ஜாமீனில் வெளியே இருந்தார். இதுதொடர்பான வழக்கு விசாரணை திருப்பூர் முதன்மை சார்பு நீதிமன்றத்தில் நடந்து வந்தது. இந்த வழக்கில் தினேஷ்குமார் கோர்ட்டில் விசாரணைக்கு ஆஜராகாததால் கடந்த மாதம் பிடிவாரண்டு பிறப்பித்து கோர்ட்டு உத்தரவிட்டது.
அதன்படி திருப்பூர் வடக்கு போலீஸ் சப்-இன்ஸ்பெக்டர் முருகன் மற்றும் போலீசார் கோல்டன் நகர் பகுதியில் வைத்து தினேஷ்குமாரை நேற்று கைது செய்து கோர்ட்டில் ஆஜர்படுத்தி சிறையில் அடைத்தனர்.