அ.தி.மு.க. சார்பில் பக்தர்களுக்கு அன்னதானம்

சங்கரன்கோவில்:

சங்கரன்கோவிலில் பிரசித்தி பெற்ற சங்கரநாராயண சுவாமி கோவிலில் ஆடித்தபசு திருவிழா நடந்தது. விழாவை காண வந்த பக்தர்களுக்கு சங்கரன்கோவில் அ.தி.மு.க. சார்பில் நகரின் பல்வேறு இடங்களில் அன்னதானம், நீர்மோர் வழங்கும் நிகழ்ச்சி நடந்தது. இதை முன்னாள் அமைச்சரும், மகளிர் அணி துணைச் செயலாளருமான ராஜலட்சுமி தொடங்கி வைத்தார். நிகழ்ச்சியில் சங்கரன்கோவில் நகர செயலாளர் ஆறுமுகம், ஒன்றிய செயலாளர்கள் ரமேஷ், செல்வராஜ், மாநில பேச்சாளர் கணபதி, நிர்வாகிகள் நூர்முகமது, பாபு, மாரியப்பன், ராஜா, கார்த்திக் உள்பட பலர் கலந்து கொண்டனர்.