கால்நடை சுகாதார முகாம்

திட்டச்சேரி:

திருமருகல் ஒன்றியம் கொட்டாரக்குடியில் சிறப்பு கால்நடை சுகாதார மற்றும் விழிப்புணர்வு முகாம் நடந்தது. முகாமிற்கு ஊராட்சி மன்ற தலைவர் ராஜீவ்காந்தி தலைமை தாங்கினார். கால்நடை உதவி டாக்டர் அருண் முன்னிலை வகித்தார்.இந்த முகாமில் கால்நடை நோய்களுக்கு தடுப்பூசி, பசு மற்றும் எருமை இனங்களுக்கு செயற்கை முறை கருவூட்டல், சினைப் பரிசோதனை, மலடு நீக்கம், கன்றுகள், ஆடுகளுக்கு குடற்புழு நீக்கம், கோழிகளுக்கு வெள்ளைக் கழிச்சல் தடுப்பூசி ஆகியவை போடப்பட்டது. இதில் சிறந்த கால்நடை உரிமையளர்களுக்கு பரிசுகள் வழங்கப்பட்டன.மேலும் விவசாயிகளுக்கு கால்நடை வளர்ப்பு மற்றும் பராமரிப்பு குறித்து ஆலோசனைகள் வழங்கப்பட்டது. முகாமில் கால்நடை ஆய்வாளர் பாபுஜி, பராமரிப்பு உதவியாளர் எழிலரசி மற்றும் கால்நடை உரிமையாளர்கள் கலந்து கொண்டனர்.