முன்னாள் மாணவிகள் சந்திப்பு

கடையநல்லூர்:

கடையநல்லூர் பரசுராமபுரம் பள்ளிவாசல் தெருவில் 100 ஆண்டுகளை கடந்த மிகவும் பழமைவாய்ந்த அரசு உதவி பெறும் பள்ளியான தாருஸ்ஸலாம் மேல்நிலைப்பள்ளி இயங்கி வருகிறது. இந்தப் பள்ளியில் இந்தாண்டு முதல் முதன் முறையாக பள்ளியின் நிர்வாகம் சார்பில் 1972-ம் ஆண்டு முதல் 2013-ம் ஆண்டு வரை சுமார் 27 வயது முதல் 68 வரை உள்ள முன்னாள் மாணவிகள் சந்திப்பு நிகழ்ச்சிக்கு ஏற்பாடு செய்திருந்தனர்.

இதனையடுத்து சுமார் 500-க்கும் மேற்பட்ட மாணவிகளில் ஏராளமானோர் தங்களது குழந்தைகளுடன் பங்கேற்றனர். மாணவிகள் ஒருவருக்கொருவர் பழைய அனுபவங்களை பகிர்ந்து கொண்டும், தங்களது வகுப்பறைகளுக்கு சென்று பார்த்து அந்த இடங்களில் அமர்ந்து செல்போன்களில் செல்பி எடுத்து மகிழ்ந்தனர்.