அ.தி.மு.க. சார்பில் நீர் மோர் பந்தல் திறப்பு

திசையன்விளை:

திசையன்விளை நகர அ.தி.மு.க. சார்பில் பழைய பஸ் நிலைய சந்திப்பில் நீர் மோர் பந்தல் திறப்பு விழா நடந்தது. அமைப்பு செயலாளர் ஏ.கே.சீனிவாசன் தலைமை தாங்கினார். முன்னாள் எம்.எல்.ஏ.க்கள் இன்பதுரை, மைக்கேல் ராயப்பன் ஆகியோர் முன்னிலை வகித்தனர். நகர செயலாளர் ஜெயக்குமார் வரவேற்று பேசினார்.

நெல்லை மாவட்ட செயலாளர் தச்சை கணேசராஜா நீர் மோர் பந்தலை திறந்து வைத்தார். விழாவில் திசையன்விளை பேரூராட்சி தலைவர் ஜான்சிராணி, மாவட்ட இளைஞர் அணி செயலாளர் பால்துரை, ராதாபுரம் மேற்கு ஒன்றிய செயலாளர் அந்தோணி அமலராஜா, கிழக்கு ஒன்றிய செயலாளர் கே.பி.கே.செல்வராஜ் உள்பட பலர் கலந்து கொண்டனர். பொதுமக்களுக்கு தர்பூசணி, வெள்ளரிக்காய், நீர் மோர் வழங்கப்பட்டது.