பழனி முருகன் கோவிலில் நடிகர் யோகிபாபு சாமி தரிசனம்

அறுபடை வீடுகளில் 3-ம் படை வீடான பழனி முருகன் கோவிலில் சாமி தரிசனம் செய்ய பக்தர்கள் மட்டுமின்றி அரசியல் பிரமுகர்கள், சினிமா பிரபலங்கள் பலர் வருகை தருகின்றனர். அந்த வகையில், தமிழ் சினிமா நகைச்சுவை நடிகர் யோகிபாபு நேற்று காலை பழனிக்கு வந்தார். பின்னர் அவர் அடிவாரத்தில் இருந்து ரோப்கார் மூலம் மலைக்கோவிலுக்கு சென்றார். அங்கு முருகப்பெருமானை தரிசனம் செய்து, மீண்டும் ரோப்காரில் அடிவாரத்துக்கு வந்தார். முன்னதாக கோவிலுக்கு வந்த அவருடன் பக்தர்கள், கோவில் பணியாளர்கள் என பலரும் 'செல்பி' மற்றும் புகைப்படம் எடுத்தனர்.