விபத்தில் மெக்கானிக் பலி

திருப்பத்தூர் 

சிவகங்கை மாவட்டம் திருப்பத்தூர் அருகே கருவேல்குறிச்சி கிராமத்தை சேர்ந்தவர் முத்துராமன் மகன் அரசக்குமார் (வயது 37). இவர் எஸ்.எஸ்.கோட்டையில் மெக்கானிக் கடை வைத்துள்ளார். சம்பவத்தன்று இவர் இரவு வேலை முடிந்து வீட்டிற்கு காரில் வந்துள்ளார். அப்போது திருப்பத்தூர் அருகே புதுக்காட்டாம்பூர்- மதுரை செல்லும் நான்கு வழிச்சாலையில் செல்லும் போது சாலையில் நின்று கொண்டிருந்த மாடு மீது கார் மோதியது. பின்னர் கட்டுப்பாட்டை இழந்த கார் நிலை தடுமாறி ரோட்டை விட்டு இறங்கி விபத்துக்குள்ளானது. இந்த விபத்தில் படுகாயம் அடைந்த அரசக்குமார் சம்பவ இடத்திலேயே பரிதாபமாக இறந்தார். விபத்து குறித்து தகவல் அறிந்த போலீசார் சம்பவ இடத்திற்கு வந்து அரசக்குமாரின் உடலை கைப்பற்றி திருப்பத்தூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுகுறித்து திருக்கோஷ்டியூர் போலீசார் வழக்கு பதிவு செய்து விசாரணை நடத்தி வருகின்றனர்.