தலைமறைவாக இருந்த வாலிபர் கைது

வீரவநல்லூர் பகுதியில் கடந்த 2021-ம் ஆண்டு திருட்டு வழக்கில் ஈடுபட்டதாக வெள்ளாங்குளி சிவன்கோவில் தெருவை சேர்ந்த முத்துகணேஷ் (வயது 26) என்பவரை வீரவநல்லூர் போலீசார் கைது செய்தனர். பின்னர் ஜாமீனில் வெளியே வந்த முத்துகணேஷ் கடந்த 1½ மாதமாக நீதிமன்ற விசாரணைக்கு ஆஜராகாமல் தலைமறைவாக இருந்து வந்தார். இதனால் அவருக்கு சேரன்மாதேவி கோர்ட்டு பிடியாணை பிறப்பித்தது.

இந்த நிலையில் வீரவநல்லூர் போலீசார் தலைமறைவாக இருந்த முத்துகணேசை கைது செய்து கோர்ட்டில் ஆஜர்படுத்தி பிடியாணையை நிறைவேற்றினர்.