மொபட்டில் இருந்து தவறி விழுந்த பெண் பலி

பெரம்பலூர் மாவட்டம் குன்னம் அருகே உள்ள மருவத்தூர் கிராமத்தை சேர்ந்தவர் முருகேசன். இவரது மனைவி முருகாயி (வயது 49). இவர்கள் 2 பேரும் ஒரு மொபட்டில் பேரளி கிராமத்திலிருந்து மருவத்தூர் சென்றனர். பேரளி மின்வாரிய அலுவலகம் அருகே சென்றபோது முருகாயி திடீரென மயங்கி மொபட்டில் இருந்து கீழே தவறி விழுந்தார். இதில் பலத்த காயம் அடைந்த அவரை அப்பகுதி மக்கள் மீட்டு பெரம்பலூர் அரசு மருத்துவமனையில் சேர்த்தனர். பின்னர் மேல் சிகிச்சைக்காக திருச்சி அரசு மருத்துவமனையில் சேர்க்கப்பட்டார். அங்கு அவருக்கு டாக்டர்கள் தீவிர சிகிச்சை அளித்தனர். ஆனால் சிகிச்சை பலனின்றி முருகாயி பரிதாபமாக இறந்தார். இந்த விபத்து குறித்து மருவத்தூர் சப்- இன்ஸ்பெக்டர் முரளிதரன் வழக்குப்பதிவு செய்து விசாரணை நடத்தி வருகிறார்.