தவறி விழுந்து வாலிபர் பலி

வேடசந்தூர் அருகே உள்ள கோடாங்கிபட்டியை சேர்ந்தவர் வேல்முருகன் (வயது 24) டிரைவர். இவர் மோட்டார் சைக்கிளில் வேடசந்தூரை நோக்கி சென்று கொண்டிருந்தார். வேடசந்தூர் அருகே அய்யர்மடம் பகுதியில் சாலையின் நடுவே உள்ள தடுப்புச்சுவரில் எதிர்பாராதவிதமாக மோட்டார் சைக்கிள் மோதி விபத்துக்குள்ளானது. இதில் மோட்டார் சைக்கிளில் இருந்து தவறி கீழே விழுந்து படுகாயமடைந்த வேல்முருகன் சம்பவ இடத்திலேயே பலியானார். இதுகுறித்து வேடசந்தூர் போலீசார் வழக்குப்பதிவு செய்து விசாரணை நடத்தி வருகின்றனர். இறந்த வேல்முருகனுக்கு சங்கீதா என்ற மனைவியும், வினோத்குமார் என்ற மகனும் உள்ளனர்.