வழிப்பறியில் ஈடுபட முயன்ற 5 பேர் கைது

சூலூர்

சூலூர் போலீசார் ரோந்து பணியில் ஈடுபட்டிருந்தனர். அப்போது சூலூர் சிவன் கோவில் பின்புறம் 5 பேர் சந்தேகத்திற்கிடமான வகையில் நின்று கொண்டு பேசிக்கொண்டிருந்தனர். இதையடுத்து போலீசார் அவர்களை பிடித்து விசாரித்தனர். அப்போது அவர்கள் முன்னுக்கு, பின் முரணாக பேசினர். இதையடுத்து போலீசார் அவர்களிடம் நடத்திய தீவிர விசாரணையில் அவர்கள் 5 பேரும் சூலூர் வனம் ரோடு பகுதியில் தனியாக செல்பவர்களை மிரட்டி நகை மற்றும் பணம் பறிக்க திட்டமிட்டது தெரியவந்தது. மேலும் அவர்கள் அந்த பகுதியை சேர்ந்த தமிழரசன் (வயது 22), வினித்ராஜ் (25), ராம்குமார் (26), திலிப் (23), சரவணன் (20) என்பது தெரியவந்தது. இதையடுத்து போலீசார் அவர்களை கைது செய்தனர்.