சாராயம், மதுபாட்டில்கள் பதுக்கிய 3 பேர் கைது

கண்ணமங்கலம்

கண்ணமங்கலம் அருகே அர்ஜுனாபுரம் புதூர் கிராமத்தில் முருகன் (வயது 40) என்பவர் தனது வீட்டின் பின்புறம் 20 லிட்டர் சாராயம் பதுக்கி வைத்திருந்தார்.

இதே ஊரில் பாக்கியம் (54) என்பவர் தனது வீட்டின் பின்புறம் 30 லிட்டர் சாராயம் பதுக்கி வைத்திருந்தார். மேலும் கண்ணமங்கலம் அம்பேத்கார் நகரில் வெண்ணிலா (65) என்பவர் அனுமதியின்றி 15 மதுபாட்டில்கள் வைத்திருந்தார்.

மேற்கண்ட 3 பேரையும் கண்ணமங்கலம் போலீஸ் சப்-இன்ஸ்பெக்டர்கள் சங்கம், ஏழுமலை ஆகியோர் கைது செய்து, சாராயத்தை பறிமுதல் செய்து அழித்தனர்.

மேலும் மதுபாட்டில்களை பறிமுதல் செய்து விசாரணை நடத்தி வருகின்றனர்.