வெவ்வேறு விபத்துகளில் 3 பேர் காயம்

சிவகாசி,

சிவகாசி கிழக்கு பகுதியில் உள்ள மீனம்பட்டி கிராமத்தை சேர்ந்த வடிவேல் மனைவி கருப்பாயி (வயது 58). சம்பவத்தன்று அதே பகுதியில் நடந்து சென்ற போது அந்த வழியாக மோட்டார் சைக்கிள் ஓட்டி வந்த ரமேஷ்பாபு என்பவர் கருப்பாயின் மீது மோதியதாக கூறப்படுகிறது. இதில் அவருக்கு பலத்த காயம் ஏற்பட்டது. இதுகுறித்து சிவகாசி கிழக்கு போலீசார் வழக்குபதிவு செய்து விசாரணை நடத்தி வருகிறார்கள். இதேபோல் சிவகாசி போலீஸ் காலனி பிள்ளையார் கோவில் தெருவை சேர்ந்தவர் கந்தையா மகன் சக்திவேல் (21). இவர் சம்பவத்தன்று தனது மோட்டார் சைக்கிளில் சிவகாசி- திருத்தங்கல் ரோட்டில் வந்து கொண்டிருந்தார். அப்போது அந்த வழியாக மோட்டார் சைக்கிளில் வந்த முதலிப்பட்டியை சேர்ந்த செல்லப்பாண்டியன் என்பவர் சக்திவேல் மீது மோதியதாக கூறப்படுகிறது. இதில் சக்திவேலுக்கு பலத்த காயம் ஏற்பட்டது. உடனே அவரை அருகில் இருந்தவர்கள் மீட்டு சிவகாசி அரசு ஆஸ்பத்திரியில் சிகிச்சைக்காக சேர்த்துள்ளனர். இந்த விபத்து குறித்து சிவகாசி டவுன் போலீசார் வழக்குபதிவு செய்து விசாரணை நடத்தி வருகிறார்கள். சிவகாசி அருகே உள்ள பூச்சக்காபட்டி கிராமத்தை சேர்ந்தவர் கருப்பசாமி மகன் சமயராஜ் (22). இவர் சிவகாசி-நாரணாபுரம் ரோட்டில் தனது மோட்டார் சைக்கிளில் வந்து கொண்டிருந்தார். அப்போது அந்த வழியாக முன்னால் சென்ற கார் திடீரென ரோட்டில் நிறுத்தப்பட்டு அதன் கதவு திறக்கப்பட்டதாக கூறப்படுகிறது. இதில் சமயராஜ், கார் கதவின் மீது மோதி கீழே விழுந்து காயம் அடைந்தார். உடனே அருகில் இருந்தவர்கள் அவரை மீட்டு விருதுநகர் அரசு ஆஸ்பத்திரியில் சிகிச்சைக்காக சேர்த்தனர். இந்த விபத்து குறித்து சிவகாசி கிழக்கு போலீசார் வழக்கு பதிவு செய்து விசாரணை நடத்தி வருகிறார்கள்.