மர்மவிலங்கு கடித்து 20 ஆடுகள் செத்தன

கெங்கவல்லி

கெங்கவல்லி அருகே நடுவலூர் ஊராட்சி காட்டுக்கோட்டை பகுதியை சேர்ந்தவர் துரைராஜ். அதே பகுதியை சேர்ந்தவர் சுப்பிரமணி. இவர்கள் தங்களது நிலங்களில் 20-க்கும் மேற்பட்ட ஆடுகளை பட்டியில் அடைத்து வளர்த்து வந்தனர். இந்த நிலையில் நேற்று முன்தினம் இரவு மர்ம விலங்கு கடித்ததில் பட்டியில் அடைக்கப்பட்டிருந்த 20-க்கு மேற்பட்ட ஆடுகள் செத்து கிடந்தன. இதுகுறித்து வனத்துறை, கால்நடை பராமரிப்பு துறை மற்றும் கால்நடை டாக்டர்களுக்கு தகவல் தெரிவிக்கப்பட்டது. அதன்பேரில் அவர்கள் சம்பவ இடத்துக்கு சென்று விசாரணை நடத்தினர். பின்னர் அங்கேயே ஆடுகளின் உடல்கள் பிரேத பரிசோதனை செய்யப்பட்டு அடக்கம் செய்யப்பட்டன.

முதற்கட்ட விசாரணையில் வெறிநாய் கடித்து ஆடுகள் இறந்திருக்கலாம் என தெரியவந்துள்ளது. தொடர்ந்து விசாரணை நடத்தப்பட்டு வருகிறது.