குளித்தலை அருகே உள்ள தண்ணீர்ப்பள்ளி பகுதியில் மது விற்கப்படுவதாக குளித்தலை போலீசாருக்கு தகவல் வந்தது. இதையடுத்து அந்த பகுதியில் போலீசார் சோதனை நடத்தியபோது அதே பகுதியை சேர்ந்த பாலசுப்பிரமணி (வயது 48), பொன்னர் (53) ஆகியோர் மது விற்று கொண்டிருந்தனர். இதையடுத்து 2 பேரையும் போலீசார் கைது செய்தனர். மேலும் அவர்களிடமிருந்த மொத்தம் 21 மதுபாட்டில்களும் பறிமுதல் செய்யப்பட்டன.