சாராயம் விற்ற பெண் உள்பட 2 பேர் கைது

சங்கராபுரம்

சங்கராபுரம் போலீஸ் சப்-இன்ஸ்பெக்டர் நரசிம்மஜோதி தலைமையிலான போலீசார் சங்கராபுரம் அருகே உள்ள குளத்தூர் பகுதியில் தீவிர ரோந்து பணியில் இருந்தனர். அப்போது அங்குள்ள கிராம சேவை மைய கட்டிடம் அருகே சாராயம் விற்பனை செய்து கொண்டிருந்த தும்பராம்பட்டு கிராமத்தை சேர்ந்த பாலு(வயது 21), குலத்தார் கிராமத்தை சேர்ந்த சுதா ஆகியோரை கைது செய்த போலீசார் அவர்களிடம் இருந்து 120 லிட்டர் சாராயத்தை பறிமுதல் செய்தனர்.