கோடக் வயர்லெஸ் சார்ஜர்
கோடக் நிறுவனம் பெங்களூருவைச் சேர்ந்த நிறுவனத்துடன் சேர்ந்து வயர்லெஸ் சார்ஜரை அறிமுகம் செய்துள்ளது.
கார்களில் பயன்படுத்துவதற் கேற்ப இது வடிவமைக்கப்பட்டுள்ளது. இதனால் எந்த வகையான காரிலும் இதை நிறுவி பயன்படுத்த முடியும்.
இந்த வயர்லெஸ் சார்ஜர் சதுர வடிவில் தட்டையான மேல் பகுதியுடன் நியோடிமியம் காந்தப் புலன்களை முனையில் கொண்டுள்ளது. இது ஐ-போனை பிடித்துக் கொள்ளும். இது சுழலும் வகையிலான தன்மை கொண்டதால் உங்களுக்கு வசதியான பக்கம் எளிதாக திருப்பிக் கொள்ள முடியும்.
இதன் மூலம் ஸ்மார்ட் சாதனங்களை விரைவாக சார்ஜ் செய்ய முடியும். யு.எஸ்.பி. கேபிளுடன் விற்பனைக்கு வந்துள்ளது. இதன் விலை சுமார் ரூ.2,499.