தெலுங்கானாவில் கவர்ச்சி திட்டங்களை அள்ளி வீசிய காங்கிரஸ்: ராகுல் காந்தியின் வாக்குறுதிகளை அவரின் தாயாரே நம்பமாட்டார் - பாஜக கிண்டல்

காங்கிரஸ் எம்.பி. ராகுல் காந்தியின் வாக்குறுதிகளை அவரின் தாயார் சோனியா காந்தியே நம்பமாட்டார் என அசாம் முதல்-மந்திரி ஹிமந்த பிஸ்வ சர்மா விமர்சித்துள்ளார்.

ராஜஸ்தான் மாநிலத்திற்கு வருகிற 25-ம் தேதி ஒரே கட்டமாக சட்டப்பேரவைத் தேர்தல் நடைபெறவுள்ளது. இதனையொட்டி ராஜஸ்தானில் தீவிர பிரசாரங்களில் அரசியல் கட்சியினர் ஈடுபட்டு வருகின்றனர்.

ராஜஸ்தான் மாநிலம் ஜெய்ப்பூரில் பாஜகவை ஆதரித்து நடைபெற்ற பிரசாரத்தின்போது செய்தியாளர்களிடம் பேசிய அசாம் மாநில முதல்-மந்திரி ஹிமந்த பிஸ்வகர்மா,

" காங்கிரஸ் கட்சி சார்பில் வாக்குறுதிகளை அளித்தது யார்? ராகுல் காந்தி. அவரின் வாக்குறுதிகளை யார் எடுத்துக்கொள்வார்கள்? அவரின் தாயாரான சோனியா காந்தியே வாக்குறுதிகளை நம்பமாட்டார். அவரின் வாக்குறுதிகளுக்கு என்ன உத்திரவாதம் இருக்கிறது. அவரின் வாக்குறுதிகளை ஏற்றுக்கொள்பவரைக் காட்டுங்கள்"  என கடுமையாக விமர்சித்தார்.