திரிபுரா மாநிலங்களவை இடைத்தேர்தல்: பா.ஜ.க. வேட்பாளராக முன்னாள் முதல்-மந்திரி பிப்லாப் டெப் போட்டி
திரிபுராவில் மாநிலங்களவை இடைத்தேர்தலில் பா.ஜ.க. சார்பில் முன்னாள் முதல்-மந்திரி பிப்லாப் டெப் போட்டியிடுகிறார்.
அகர்தலா,
திரிபுரா மாநிலத்தில் காலியாகவுள்ள மாநிலங்களவை எம்.பி. பதவிக்கான தேர்தல் நடைபெற உள்ளது. இந்த தேர்தலில் பா.ஜ.க. சார்பில் முன்னாள் முதல்-மந்திரி பிப்லாப் டெப் போட்டியிடுகிறார்.
இதற்கான அறிவிப்பை கட்சியின் பொதுச்செயலாளர் அருண்சிங் வெளியிட்டுள்ளார். அரியானா மாநில பா.ஜ.க. பொறுப்பாளராக பிப்லாப் டெப் இருக்கிறார் என்பது நினைவுகூரத்தக்கது.
திரிபுராவில் பா.ஜ.க.வுக்கு பெரும்பான்மை பலம் இருப்பதால் பிப்லாப் டெப் வெற்றி பெறுவது உறுதியாகி உள்ளது.