பணிக்கு தாமதமாக வந்த 191 அரசு ஊழியர்களின் சம்பளம் கட்! மாநகராட்சி நிர்வாகம் அதிரடி நடவடிக்கை

தானே,

மராட்டிய மாநிலம் நவி மும்பை மாநகராட்சி நிர்வாகம், அரசு அலுவலகங்களில் பணிக்கு தாமதமாக வந்ததற்காக அதிகாரிகள் உட்பட 191 ஊழியர்களின் சம்பளத்தை குறைத்துள்ளது. அவர்கள் எந்தெந்த நாட்களில் பணிக்கு தாமதமாக வந்தார்களோ அன்றைய நாட்கள் அவர்களுக்கு சம்பளம் இல்லை. 

மேலும், தொடர்ந்து தாமதமாக வந்த மூன்று ஊழியர்கள் மீது துறை ரீதியான விசாரணையும் தொடங்கப்பட்டுள்ளது. இதனை மாநகராட்சி கமிஷனர் அபிஜித் பங்கர் தெரிவித்தார். 

அரசு ஊழியர்கள் தாமதமாக பணிக்கு வருவதாக புகார்கள் வந்ததைத் தொடர்ந்து, கடந்த மாதம் இரண்டு முறை நடத்தப்பட்ட திடீர் சோதனையில், ஊழியர்கள் பலர் தாமதமாக வருவது உறுதியாகியது. 

முன்னதாக அக்டோபர் 27, 2021 அன்று மாநகராட்சி கமிஷனர் அபிஜித் பங்கர் ஆய்வு செய்திருந்தார். அப்போது அதிகாரிகள் அலுவலகத்திற்கு தாமதமாக 

வருவதை பாங்கர் கண்டறிந்தார். உடனே அவர் அலுவலக நேரத்தில் முறையாக வராத ஊழியர்களுக்கு எதிராக மெமோ வழங்குமாறு உத்தரவிட்டார். 

இந்த நிலையில், அவர் கடந்த பிப்ரவரி 17-24 வரையிலான நாட்களில், அலுவலகங்களில் திடீர் வருகைப் பதிவு ஆய்வை அவர் மீண்டும் மேற்கொண்டார். அதில் பல பணியாளர்கள் உரிய நேரத்தில் அலுவலகத்திற்கு வராததைக் கண்டறிந்தார்.

ஆனால், அவர்கள் எச்சரிக்கப்பட்ட போதிலும் தொடர்ந்து ஊழியர்கள் பலர் தாமதமாக வேலைக்குச் சென்றனர். எனவே, இந்த நடவடிக்கை எடுக்கப்பட்டுள்ளதாக  கமிஷனர் அபிஜித் பங்கர் தெரிவித்தார். 

அரசு ஊழியர்களுக்கு வாரத்தில் ஐந்து நாட்கள் வேலை உள்ளது. அனைத்து ஊழியர்களுக்கும் அலுவலக நேரம் திங்கள் முதல் வெள்ளி வரை காலை 9.45 

முதல் மாலை வரை. மாலை 6.15 மணியாக உள்ளது.  அவர்கள் ஒழுக்கத்தையும் நேரத்தையும் கடைப்பிடிக்க வேண்டும். தவறினால் அவர்கள் மீது கடுமையான நடவடிக்கை எடுக்கப்படும் என்றார்.

மாநகராட்சியின் இந்த நடவடிக்கையால், மொத்தம் 165 அதிகாரிகள் மீது முறையற்ற வருகைக்காக ஒரு நாள் சம்பளத்தை குறைக்க வேண்டியிருந்தது. மொத்தம் 2 நாட்கள் தாமதமாக வந்த 22 ஊழியர்களுக்கு 2 நாள் சம்பளம் குறைக்கப்பட்டது.

ஆய்வின் போது. 3 நாட்கள் தாமதமாக வந்த 4 ஊழியர்களுக்கு 3 நாள் சம்பளம் குறைக்கப்பட்டது. மேலும் தொடர்ந்து தாமதமாக பணிக்கு வந்ததற்காக அவர்கள் பணியிடமாற்றம் செய்யப்பட்டனர்.