புலம்பெயர்ந்த தொழிலாளர்களின் சிரமங்கள் குறித்து விவாதிக்க மே 22ம் தேதி எதிர்க்கட்சிகள் கூட்டம்: சோனியா காந்தி அழைப்பு

புதுடெல்லி, 

கொரோனா வைரஸ் பாதிப்புகள் மற்றும் புலம்பெயர்ந்த தொழிலாளர்களின் சிரமங்கள் குறித்து விவாதிக்க மே 22ம் தேதி எதிர்க்கட்சிகள் கூட்டத்துக்கு காங்கிரஸ் தலைவர் சோனியா காந்தி அழைப்பு விடுத்துள்ளார்.

இந்தக் கூட்டத்துக்கு சோனியா காந்தி தலைமை வகிக்கிறார். பிற்பகல் 3 மணிக்கு காணொலிக் காட்சி வாயிலாக இந்தக் கூட்டம் நடைபெறும் என்று எதிர்பார்க்கப்படுகிறது. 

இந்தக்கூட்டத்தில் தேசியவாத காங்கிரஸ் தலைவர் சரத் பவார், ஜார்கண்ட் முக்தி மோர்ச்சா தலைவரும், ஜார்கண்ட் முதல்-மந்திரியுமான ஹேமந்த் சோரன், திரிணமூல் காங்கிரஸ் தலைவரும், மேற்கு வங்க முதல்-மந்திரியுமான மம்தா பானர்ஜி, திமுக தலைவர் மு.க. ஸ்டாலின், மார்க்சிஸ்ட் கம்யூனிஸ்ட் கட்சி தலைவர் சீதாராம் யெச்சூரி, ராஷ்ட்ரிய ஜனதாதளம் கட்சியில் இருந்து தேஜஸ்வி யாதவ் உள்பட 20 கட்சிகளிலிருந்து தலைவர்கள் பங்கேற்க உள்ளனர்.