கர்நாடகாவில் பேருந்து-சரக்கு வாகனம் மோதிய விபத்தில் 12 பேர் உயிரிழப்பு

பெங்களுரு,

கர்நாடக மாநிலம் சிக்பல்லாபூர் மாவட்டத்தில் சிந்தாமணி அருகே உள்ள முருகுமல்லாவில் பேருந்தும் சரக்கு வாகனமும் இன்று மோதி விபத்துக்குள்ளானது. இதில் 12 பேர் உயிரிழந்தனர். 20-க்கும் மேற்பட்டவர்கள் காயமடைந்தனர்.

அவர்கள் அனைவரும் உடனடியாக அருகிலுள்ள மருத்துவமனையில்  சிகிச்சைக்காக அனுமதிக்கப்பட்டுள்ளனர். விபத்து குறித்து அப்பகுதி போலீசார் வழக்குப்பதிவு செய்து விசாரணை நடத்தி வருகின்றனர்.