ஆம் ஆத்மி கட்சியில் இருந்து விலகி பா.ஜ.க.வில் இணைந்த மற்றொரு எம்.எல்.ஏ.

புதுடெல்லி,

டெல்லியில் கெஜ்ரிவால் தலைமையிலான ஆம் ஆத்மி கட்சி ஆட்சி செய்து வருகிறது.  அக்கட்சியை சேர்ந்த எம்.எல்.ஏ. அனில் பாஜ்பாய்.  காந்தி நகர் தொகுதியை சேர்ந்த இவர் கடந்த வாரம் வெள்ளி கிழமை அக்கட்சியில் இருந்து விலகி பா.ஜ.க.வில் தன்னை இணைத்து கொண்டார்.

இந்த நிலையில், பிஜ்வாசன் தொகுதியை சேர்ந்த மற்றொரு எம்.எல்.ஏ.வான தேவிந்தர் சிங் ஷெராவத் ஆம் ஆத்மி கட்சியில் இருந்து விலகினார்.  பின்னர் அவர் இன்று நடந்த செய்தியாளர்கள் சந்திப்பில், டெல்லி பா.ஜ.க. மூத்த தலைவர்கள் முன்னிலையில் அக்கட்சியில் தன்னை இணைத்து கொண்டார்.