நாமக்கல் மண்டலத்தில் முட்டை விலை 15 காசுகள் சரிவு 350 காசுகளாக நிர்ணயம்
நாமக்கல் மண்டலத்தில் முட்டை கொள்முதல் விலை 15 காசுகள் சரிவடைந்து 350 காசுகளாக நிர்ணயம் செய்யப்பட்டுள்ளது.
நாமக்கல்,
நாமக்கல் மண்டலத்தில் முட்டை கொள்முதல் விலை 365 காசுகளாக இருந்து வந்தது. இந்த நிலையில் நேற்று நாமக்கல்லில் நடந்த தேசிய முட்டை ஒருங்கிணைப்பு குழு கூட்டத்தில் முட்டையின் கொள்முதல் விலையை 15 காசுகள் குறைக்க முடிவு செய்தனர். எனவே முட்டை கொள்முதல் விலை 350 காசுகளாக சரிவடைந்து உள்ளது.
பிற மண்டலங்களில் முட்டை விலை (காசுகளில்) வருமாறு:- சென்னை-380, ஐதராபாத்-295, விஜயவாடா, தனுகு-320, மும்பை-350, மைசூரு-363, பெங்களூரு-360, கொல்கத்தா-366, டெல்லி-305.
கறிக்கோழி கிலோ ரூ.90-க்கு விற்பனை செய்யப்பட்டு வந்தது. இந்த நிலையில் நேற்று பல்லடத்தில் நடந்த கறிக்கோழி ஒருங்கிணைப்பு குழு கூட்டத்தில் அதன் விலையை கிலோவுக்கு ரூ.9 உயர்த்த முடிவு செய்யப்பட்டது. எனவே கறிக்கோழி விலை கிலோ ரூ.99 ஆக உயர்ந்து உள்ளது. முட்டைக்கோழி கிலோ ரூ.71-க்கும் விற்பனை செய்யப்பட்டு வந்தது. இந்த நிலையில் நேற்று நாமக்கல்லில் நடந்த முட்டைக்கோழி ஒருங்கிணைப்பு குழு கூட்டத்தில் அதன் விலையை கிலோவுக்கு ரூ.2 குறைக்க முடிவு செய்யப்பட்டது. எனவே முட்டைக்கோழி விலை கிலோ ரூ.69 ஆக சரிவடைந்து உள்ளது.
பிற மண்டலங்களில் முட்டை கொள்முதல் விலை குறைந்து வருவதால் அதற்கு தகுந்தாற்போல் நாமக்கல் மண்டலத்திலும் முட்டையின் கொள்முதல் விலை குறைக்கப்பட்டு இருப்பதாக பண்ணையாளர்கள் தெரிவித்தனர்.