லோகேஷ் கனகராஜ் தயாரிப்பில் உறியடி விஜய் குமார்...!

சென்னை, 

'மாநகரம்', 'கைதி', 'மாஸ்டர்', 'விக்ரம்' போன்ற படங்களை இயக்கியதன் மூலம் முன்னணி இயக்குனராக வலம் வருபவர் லோகேஷ் கனகராஜ். இவர் இயக்கத்தில் விஜய் நடிப்பில் சமீபத்தில் வெளியான 'லியோ' திரைப்படம் ரசிகர்கள் மத்தியில் நல்ல வரவேற்பை பெற்று ரூ. 500 கோடிக்கு மேல் வசூலை குவித்தது. இதைத்தொடர்ந்து இயக்குனர் லோகேஷ், ரஜினியின் 171-வது படத்தை இயக்கி வருகிறார்.

இந்நிலையில் 'ஜி ஸ்குவாட்' என்ற புதிய தயாரிப்பு நிறுவனத்தை லோகேஷ் தொடங்கியுள்ளார். இதன் மூலம் விரைவில் படம் தயாரிக்க உள்ளதாக அறிவித்திருந்தார். அதன் படி தனது முதல் படம் குறித்த அறிவிப்பை வெளியிட்டுள்ளார்.

இதில் லோகேஷ் கனகராஜ், உறியடி விஜய்குமார் படத்தினை தனது முதல் படமாக அறிவித்துள்ளார். மேலும் நாளை மாலை 6 மணிக்கு படத்தின் பர்ஸ்ட் லுக் போஸ்டர் வெளியாகும் என்றும் அதிகாரபூர்வ அறிவிப்பு வெளியாகியுள்ளது.