வரலாற்றில் மறக்கமுடியாத, லெஜண்ட் சாதனைகளுக்கு, மக்கள் எழுந்து நின்று கைதட்டும் (standing ovation) ஸ்டாண்டிங் ஓவேஷன் கவுரவம் கிடைக்கும். இக்கலாசாரத்தின் தோற்றம் ரோம் நகரில் போரில் வென்று திரும்பும் தளபதியை மக்கள் வரவேற்று உச்சிமுகர்ந்து பாராட்டும் பழக்கத்தில் தொடங்கியது. 'நான் மகிழ்ச்சியடைகிறேன்' எனும் லத்தீன் வார்த்தையிலிருந்து உருவானதே 'ஓவேஷன்' (Ovation) வார்த்தை.
1972-ம் ஆண்டு சார்லி சாப்ளினுக்கு கவுரவ விருது வழங்கப்பட்டபோது 12 நிமிடங்கள் தொடர்ச்சியாக பார்வையாளர்கள் எழுந்து நின்று கைதட்டி தங்களின் உயரிய அங்கீகாரத்தை அவருக்கு தெரிவித்தனர். 1995-ம் ஆண்டு செப்டம்பர் 6-ந் தேதி அன்று, பேஸ்பால் விளையாட்டு அரங்கில் கல் ரிப்கென் ஜூனியர் செய்த சாதனைகளுக்காக பார்வையாளர்கள் தொடர்ச்சியாக 22 நிமிடங்கள் கைதட்டியது ரிப்கெனை மிரளவைத்தது.
"விளையாடிக் கொண்டிருக்கும் நிலையில் நிற்காத கைதட்டுகளின் நீண்டநேர ஓசை என்னை மிரட்டிவிட்டது. முதலில் விளையாடுவோம், பிறகு கொண்டாட்டத்தை வைத்துக்கொள்வோம்" எனக் கூறியிருக்கிறார் ரிப்கென்.