ஆண்கள் டென்னிஸ் சாம்பியன்ஷிப்; ரூப்லெவை வீழ்த்திய அலெக்சாண்டர் ஸ்வெரேவ்

துரின்,

உலகின் டாப்-8 முன்னணி வீரர்கள் (ஒற்றையர் மற்றும் இரட்டையர் பிரிவு) மட்டும் பங்கேற்கும் ஏ.டி.பி. இறுதி சுற்று எனப்படும் ஆண்கள் டென்னிஸ் சாம்பியன்ஷிப் போட்டி இத்தாலியில் உள்ள துரின் நகரில் நடைபெற்று வருகிறது. இந்நிலையில், இந்த தொடரில் இன்று நடைபெற்ற ஆண்கள் ஒற்றையர் பிரிவு ஆட்டம் ஒன்றில் ஜெர்மனியின் அலெக்சாண்டர் ஸ்வெரேவ், ரஷியாவின் ஆண்ட்ரே ரூப்லெவ் உடன் மோதினார்.

இந்த போட்டியில் தொடக்கம் முதலே ஆதிக்கம் செலுத்திய ஸ்வெரேவ் 6-4, 6-4 என்ற நேர் செட் கணக்கில் ரூப்லெவை வீழ்த்தி வெற்றி பெற்றார். இதையடுத்து இந்த தொடரில் இன்று நடைபெற்று வரும் மற்றொரு ஆட்டத்தில் ரஷியாவின் டேனியல் மெத்வதேவ் - ஆஸ்திரேலியாவின் அலெக்ஸ் டி மினார் உடன் ஆடி வருகிறார்.