ஆண்கள் டென்னிஸ் சாம்பியன்ஷிப்; சாம்பியன் பட்டம் வென்றார் ஜன்னிக் சின்னெர்

துரின்,

உலகின் டாப்-8 வீரர்கள் மட்டும் பங்கேற்ற ஆண்கள் டென்னிஸ் சாம்பியன்ஷிப் போட்டி இத்தாலியின் துரின் நகரில் நடைபெற்றது. இதன் ஒற்றையர் பிரிவின் இறுதிப்போட்டிக்கு லீக் மற்றும் அரையிறுதி சுற்றுகளின் முடிவில் நம்பர் 1 வீரரான இத்தாலியின் ஜன்னிக் சின்னெர் மற்றும் அமெரிக்காவின் டெய்லர் பிரிட்ஸ் ஆகியோர் தகுதி பெற்றனர்.

இந்நிலையில் இறுதிப்போட்டி நேற்று நடைபெற்றது. இந்த போட்டியில் தொடக்கம் முதலே ஆதிக்கம் செலுத்திய ஜன்னிக் சின்னெர் 6-4, 6-4 என்ற நேர் செட் கணக்கில் டெய்லர் பிரிட்ஸை வீழ்த்தி சாம்பியன் பட்டத்தை வென்றார்.