பிரிஸ்பேன் சர்வதேச டென்னிஸ்: காலிறுதியில் தோல்வி கண்ட ஜோகோவிச்

பிரிஸ்பேன்,

முன்னணி வீரர்கள் மற்றும் வீராங்கனைகள் பங்கேற்றுள்ள பிரிஸ்பேன் சர்வதேச டென்னிஸ் போட்டி ஆஸ்திரேலியாவில் நடந்து வருகிறது. இதில் இன்று நடைபெற்ற ஆண்கள் ஒற்றையர் பிரிவின் காலிறுதி ஆட்டம் ஒன்றில் முன்னணி வீரரான ஜோகோவிச் (செர்பியா) - அமெரிக்காவின் ரெய்லி ஓபெல்கா உடன் மோதினார்.

இந்த போட்டியில் எளிதில் வெற்றி பெற்று அரையிறுதிக்கு முன்னேறுவார் என எதிர்பார்க்கப்பட்ட ஜோகோவிச் யாரும் எதிர்பார்க்காத வண்ணம் 6-7 (6-8), 3-6 என்ற செட் கணக்கில் ரெய்லி ஓபெல்காவிடம் அதிர்ச்சி தோல்வி கண்டு தொடரில் இருந்து வெளியேறினார்.