ஐ.எஸ்.எல். கால்பந்து தொடர்: நார்த் ஈஸ்ட் யுனைடெட் - முகமதின் ஆட்டம் 'டிரா'

கவுகாத்தி,

13 அணிகளுக்கு இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது. இந்த தொடரில் கவுகாத்தியில் இன்று நடைபெற்ற லீக் ஆட்டத்தில் நார்த் ஈஸ்ட் யுனைடெட் எப்.சி. - முகமதின் எஸ்.சி அணிகள் மோதின.

இந்த போட்டியில் தொடக்கம் முதலே இரு அணிகளும் கோல் அடிக்க தீவிர முயற்சிகளை மேற்கொண்டன. இருப்பினும் முதல் பாதி ஆட்டம் கோல் ஏதுமின்றி 0-0 என முடிந்தது. தொடர்ந்து நடைபெற்ற 2வது பாதி ஆட்டத்தில் இரு அணிகளும் கோல் அடிக்க பல முயற்சிகளை எடுத்தன.

ஆனால், இரு அணி வீரர்களும் கோல் அடிக்க எடுத்த முயற்சிகளுக்கு இறுதிவரை பலன்கிடைக்கவில்லை. இறுதியில் இந்த ஆட்டம் கோல் ஏதுமின்றி டிராவில் முடிந்தது.